Rrjetëzim

Asnjë strukturë e vërtetë nuk ndërtohet e vetme. Progresi njerëzor, në shkencë, art, biznes, filozofi, kudo, është gjithmonë rezultat i rrjeteve njerëzore. Individi i izoluar, sado i talentuar, ka kufijtë e tij. Individi i rrjetëzuar shumëfishon kapacitetin.

Por rrjetëzimi siç e trajton H6 nuk ka të bëjë me akumulimin e kontakteve. Nuk ka të bëjë me kartat e biznesit apo shoqërinë sipërfaqësore. Ka të bëjë me arkitekturën e marrëdhënieve. Ndërtimin e lidhjeve me vlerë reciproke, të bazuara mbi respekt të vërtetë.

Kapitali social është real dhe i matshëm. Ai ndikon drejtpërdrejt në mundësitë që hapen, në burimet e disponueshme, në informacionin që merr. Dy individë me aftësi të njëjta, por me rrjete krejtësisht të ndryshme, do të kenë trajektore shumë të ndryshme.

H6 i qaset rrjetëzimit si aftësi që ndërtohet. Përtej idesë bazë të socializimit, si tipari i lindur i 'ekstroverve'. Komunikimi efektiv, dëgjimi aktiv, aftësia për të gjetur terren të përbashkët, këto janë gjëra të mësueshme dhe të praktikueshme.

Ndikimi i vërtetë nuk ka pse të jetë manipulim, por kapaciteti për të komunikuar ide të qarta, për të frymëzuar besim dhe për të ndikuar vendime bazuar mbi autoritet të fituar, jo të imponuar. Ky autoritet vjen nga koherenca mes fjalëve dhe veprimeve.

Cilësia e marrëdhënieve ndikon gjithashtu drejtpërdrejt në mirëqenie dhe në vetëdije. Rrethi njerëzor formëson normat, pritshmëritë dhe standartet. Njeriu është shumë i ndikuar nga ata me të cilët kalon kohën, ky është fakt empirik.

Rrjetëzimi i H6 është i qëllimshëm, i drejtuar nga vlerat dhe i ndërtuar me kujdes. Cilësia vlen më shumë se shumica. Dhjetë marrëdhënie të thella janë më të vlefshme se njëqind sipërfaqësore.